Баҳор вақти Суманак, Шакаробу Қурутоб мебошад. Баъзеҳо мегӯянд, ки агар кас дар баҳор ин таомҳоро начашад, соли омадааш он қадар хушбахт намегардад. Агар дар байни шиносҳоятон ошпаз набошад, рӯҳафтода нашавед: шумо метавонед ин наворро тамошо карда, худатон таоми Қурутобро тайёр намоед.
Ба мо лозим мешавад
- қурут (крут, корот, курт) — маҳсулоти туршшудаи ширӣ, яъне панири хушк;
- нон — як бухонка;
- пиёз — 4 дона;
- кабудӣ — як даста.
Тарзи тайёр намудан
- Қурутро дар оби гарм дар муддати як соат нигоҳ доред, дар таносуби 400 г қурут ба 1 литр об. Агар қурут хеле сахт бошад, онро дар муддати 30 дақиқа дар оташи паст ҷӯшонед.
- Пиёзро реза намуда, бирён кунед.
- Оберо, ки дар он қурут андохта шуда буд, соф карда, ҷӯшонед ва мувофиқи хоҳиш намак андозед.
- Нонро дар табақи чуқур реза кунед.
1 / 2- Оби қурутро ба болои нон резед ва дар муддати 5 дақиқа дам диҳед.
- Пиёзи бирёншударо ба болои нони варамкарда гузоред.
- Аз боло кабудӣ пошед.
- Акнун Қурутоб тайёр шуд. Иштиҳои том!
Муаллифи навор: Андра Чударе